Breaking News

Սեպտեմբեր 29-ին սկսած է Սինկափուրի Հանրապետութեան վարչապետ Լի Սիեն Լոնքի գլխաւորած կառավարական պատուիրակութեան պաշտօնական այցելութիւնը Հայաստանի Հանրապետութիւն:

Հայաստանի վարչապետի նստավայրին մէջ  տեղի ունեցած է դիմաւորման պաշտօնական արարողութիւն:

Ողջունելով Սինկափուրի գործընկերը Երեւանի մէջ` վարչապետ Փաշինեան նշել է. «Ես ջերմութեամբ կը յիշեմ վերջերս Սինկափուր կատարած մեր պատուիրակութեան պաշտօնական այցելութիւնը, որ անցաւ արդիւնաւէտ եւ հիանալի մթնոլորտի մէջ: Մենք մեծապէս կարեւոր կը նկատենք Սինկափուրի հետ յարաբերութիւններու զարգացումն ու ընդլայնումը եւ համոզուած ենք, որ ձեր այցելութիւնը Երեւան պիտի նպաստէ մեր երկիրներուն միջեւ բազմակողմանի համագործակցութեան խորացման ու ամրապնդման»:

Սինկափուրի վարչապետը շնորհակալութիւն յայտնած է ջերմ ընդունելութեան համար: «Պարո՛ն վարչապետ, ձեր Սինկափուր կատարած այցելութիւնը շատ արդիւնաւէտ էր, եւ մենք Երեւան եկած ենք  երկկողմանի կապերուն նոր ազդակ հաղորդելու նպատակով: Մենք կարեւոր կը նկատենք Հայաստանի հետ յարաբերութիւններու ընդլայնումը, այդ կարգին` տնտեսութեան, գործարար կապերու  զարգացման ուղղութեամբ», ըսած է Լի Սիեն Լոնք:

Կողմերը համոզում յայտնած են, որ փոխադարձ բարձր մակարդակի այցելութիւնները պիտի նպաստեն քաղաքական, տնտեսական եւ մարդասիրական ոլորտներու մէջ գործակցութեան:

Վարչապետ Նիկոլ Փաշինեան ներկայացուցած է Հայաստանի մէջ  հաստատութենական բարեփոխումներու ընթացքը, այդ կարգին` դատաիրաւական, պետական կառավարման համակարգի, փտածութեան դէմ պայքարի, ներդրումային միջավայրի բարելաւման եւ այլ ուղղութիւններով:

Սինկափուրի վարչապետը վերահաստատած է իր երկրի կառավարութեան աջակցութիւնը հայ գործընկերներուն` զանազան ոլորտներու մէջ փորձառութեան փոխանակման եւ բարեփոխումները  արդիւնաւէտ կեանքի կոչելու գործին մէջ:

Զրուցակիցները քննարկած են նաեւ բազմակողմանի համագործակցութեան, յատկապէս` Եւրասիական տնտեսական միութեան եւ Սինկափուրի միջեւ ստորագրուելիք Համապարփակ տնտեսական համագործակցութեան համաձայնագիրի ծիրը:

Զրուցակիցները միտքեր փոխնակած են նաեւ շրջանային նշանակութեան այլ նիւթերու շուրջ:

Սեպտեմբեր 29-ին ՀՀ պաշտպանութեան նախարար Դաւիթ Տոնոյեան շրջայց կատարած է 1-ի զօրամիաւորման զօրամասերուն մէջ։

Պաշտպանութեան նախարարը այցելած է զօրավարժարաններէն մէկը, շրջած է ռազմավարական զօրավարժութիւններ կատարող զինուած ուժերու շարքերը համալրած պահեստազօրայիններու վրանային աւանը, ուսումնական կեդրոնները եւ հետեւած է կրակային պատրաստութեան աշխատանքներուն։

Զօրամիաւորման հրամանատար, գնդապետ Ժիրայր Պօղոսեանը պաշտպանական գերատեսչութեան ղեկավարին ներկայացուցած է պահեստազօրայիններուն հետ կատարուող աշխատանքներուն ընթացքը եւ ընդգծած է համալրուած ստորաբաժանումներուն գործողութիւններուն ներդաշնակութիւնը։

OTTAWA – 2019 – ARMENIAN NATIONAL COMMITTEE OF CANADA

ABOUT ANCC

The Armenian National Committee of Canada (ANCC) is the largest and most influential Armenian Canadian grassroots political organization.  Working in coordination with a network of offices, chapters and supporters throughout Canada and affiliated organizations around the world, the ANCC actively advances the concerns of the Armenian Canadian community on a broad range of issues.

The primary goals of the ANCC are:

The Armenian National Committee of Canada is active in a number of areas and engages in a wide variety of political and educational activities, including:

STRONGER CANADA-ARMENIA RELATIONS

ESTABLISHING A CANADIAN EMBASSY IN YEREVAN

BILATERAL FREE-TRADE AGREEMENT

STRENGHTENING DEMOCRATIC INSTITUIONS IN ARMENIA

ADVANCING MATTERS IN THE REPUBLIC OF ARTSAKH

UPHOLDING ARTSAKH’S RIGHT TO SELF-DETERMINATION

SUPPORTING INTERNATIONALLY OPERATED MONITORING MECHANISMS

PREVENTING CANADIAN ARMS SALES TO AZERBAIJAN

GENOCIDE RECOGNITION, CONDEMNATION AND PREVENTION

URGE THE TURKISH GOVERNMENT TO RECOGNIZE ITS DARK PAST

IMPROVED TURKEY-ARMENIA RELATIONS, WITHOUT TURKISH PRE-CONDITIONS

DEFENDING THE RIGHTS OF RELIGIOUS MINORITIES IN tURKEY AND THE MIDDLE EAST

SUPPORTING ARMENIANS IN JAVAKHK

SUPPORT THE FUNDAMENTAL RIGHTS OF ARMENIANS IN SAMTSKHE-JAVAKHETI REGION OF GEORGIA

COMBATTING HATE AND RACISM IN CANADA

SUPPORT THE ADOPTION OF A NATIONAL STRATEGY TO COMBAT ONLINE & OFFILINE HATE

OUR ASKS

STRONGER CANADA-ARMENIA RELATIONS

ADVANCING MATTERS IN THE REPUBLIC OF ARTSAKH

GENOCIDE RECOGNITION, CONDEMNATION & PREVENTION

SUPPORTING ARMENIANS IN JAVAKHK

COMBATTING HATE AND RACISM IN CANADA

 

CONNECT WITH US… GET INVOLVED…

Working in coordination with a network of offices, chapters, and supporters and affiliated organizations throughout Canada, the ANCC actively advances the concerns of the Armenian-Canadian community on a broad range of issues and works to eliminate abuses of human rights throughout Canada and the world.

CONTACT US TODAY AND WE’LL PUT YOU IN TOUCH WITH YOUR LOCAL REPRESENTATIVES TO LEARN HOW YOU CAN GET INVOLVED!

ANCC National Office

130 Albert St. Unit #, Ottawa, ON

(613) 235-2622

National.Office@anccanada.org

For more information, visit us at anccanada.org

Click on Image for PDF Version

 

 

 

 

 

 

 

Այս օրերուն շատ խօսուեցաւ ու տակաւին պիտի խօսուի Ամուլսարի տագնապին մասին։ Եկէք պահ մը մոռնանք Ամուլսարը, մեր հայեացքը հեռացնենք հայկական լեռնաշխարհէն ու տեսնենք ի՞նչ կ՚անցնի կը դառնայ այս մոլորակին վրայ այլուր՝ նոյն այդ հանքային ոլորտէն ներս։

Այդ նիւթին նուիրուած էր երկար լրատւութիւն մը՝ Ֆրանսական լրատուական գործակալութեան (Agence France presse-ի) Լոնտոնի գրասենեակէն, Louis Torres Tailfer-ի կողմէ գրուած եւ լոյս տեսած Մոնթրէալի (նաեւ Գանատայի) մեծազդեցիկ օրաթերթերէն Le Devoir-ի 2019 սեպտեմբեր 23-ի թիւին մէջ՝ Que de la poudre aux yeux? («Աչքի փոշի՞ միայն») խորագրին տակ, այդ խորագրին ալ ներքեւ աւելցուած՝ «Հանքային ճարտարարուեստը կ՚ամբաստանուի որպէս աշխարհի ամենէն ապականիչ եւ վտանգաւոր ճարտարարուեստներէն մէկը»։

Արդարեւ, այժմ փորձեր կ՚ըլլան որդեգրելու աւելի բարոյական մօտեցումներ, բայց շրջակայ միջավայրի եւ մարդկային իրաւունքներու պաշտպան ընկերակցութիւններ կը դատապարտեն սին խօսքերը։

Վերջերս Ոսկիի համաշխարհային խորհուրդը (ՈՀԽ) կը հրատարակէր արդիւնահանման պատասխանատու սկզբունքները, կոչ ընելով իր անդամներուն «ընդդիմանալ կաշառակերութեան», «յարգել պաշտօնեաներու եւ համայնքներու մարդկային իրաւունքները» ու տակաւին «պաշտպանել դիւրաբեկ բնահամակարգերը (écosystèmes)»։ Նոյնպէս, London Metal Exchange-ը կ՚առաջարկէր նոր չափորոշիչներ՝ հումքի ծագումը ճշտելու համար։

Որոշ ձեռնարկութիւններ, ինչպէս ոսկիի մեծագոյն արտադրիչ Barrick Gold-ը կը հաստատեն, թէ արդէն իսկ կը յարգեն, նոյնիսկ կը գերազանցեն ՈՀԽ-ի սկզբունքները։ Ուրիշներ ալ կը ջանան հաւաստիացնել, թէ «պատասխանատու ծրագրեր» կ՚իրականացնեն։ Սակայն ոչ-կառավարական հասարակական կազմակերպութիւններն ու մասնագէտները թերահաւատ կը մնան։ Բարի կամեցողութեան կարեւոր արտայայտութիւններ են նման յայտարարութիւնները, կ՚ըսեն անոնք, բայց շատ կարեւոր է, որ խօսքին միանայ գործքը, եւ ատոնք չծառայեն պարզապէս վարկի վերականգման։

Հազուագիւտ հանքանիւթերն ու հողերը, ինչպէս պղինձը, լիթիումն ու նիկելը, կենսական են ելեկտրական ինքնաշարժներու եւ արեւային վահանակներու արտադրութեան համար, եւ անոնց պահանջարկը չի դադրիր աւելնալէ։

Անոնք ճակատամարտներու առարկայ են գերպետութիւններու միջեւ, որոնք կը ջանան տիրանալ ապագայի արհեստագիտութիւններուն եւ շարժուժի (Էներգիայի – energy) աղբիւրներուն, բայց անոնց հանքամշակումները այնպիսի երկիրներու մէջ, որոնք այնքան ալ մտահոգ չեն մարդկային իրաւունքներու եւ բնապաշտպանութեան տեսակէտէն, կանոնաւոր կերպով աշխարհի ուշադրութիւնը կը գրաւեն՝ իրենց կործանարար հետեւանքներուն համար։ Վերջին օրինակներէն են զուիցերական Glencore հսկայ ընկերութեան մէկ տնայնագործական հանքի փլուզումը եւ պրազիլիական Vale ընկերութեան ամբարտակի խորտակումը, որ պատճառ եղաւ 270 հոգիի մահուան ու անհետացման։ Մատով ցոյց կը տրուէր նաեւ հազուագիւտ հողերու ճարտարարուեստը երբ ներքին Մոնկոլիոյ մէջ արդիւնահանման վայրէ մը թունաւոր թափօններ նետուեցան Պաոթուի արհեստական լիճին մէջ։

Մասնագէտները կը հաստատեն, թէ շատ աւելին պէտք է կատարուի ապահովելու համար մարդկային իրաւունքները՝ բնական նիւթերու հայթայթման բոլոր աստիճաններուն վրայ։ Մարդկային իրաւանց պաշտպանները կը քննադատեն նաեւ նոր չափորոշիչներու անպարտադիր հանգամանքը։

Միջազգային համաներում (Amnesty International) կազմակերպութիւնը կ՚ուզէ, որ որդեգրուին այնպիսի օրէնքներ, որոնք օրինականօրէն պիտի ստիպեն, որ հանքի ճարտարարուեստը գործէ պատասխանատու եւ թափանցիկ կերպով։ Դժբախտաբար կարգ մը երկիրներու՝ ինչպէս ԱՄՆ-ի կամ Պրազիլի մէջ կառավարութիւնները կ՚ընթանան հանքամշակման աւելի ու աւելի ապակարգաւորման ուղղութեամբ։

AFP-ի վերոնշեալ տեղեկատւութիւնը տակաւին չ՚անդրադառնար այս հարցի մէկ այլ երեսին, որ կը վերաբերի այդ հանքերը ունեցող աղքատ երկիրներու այլապէս շահագործման երեւոյթին։ Չէ՞ որ, ի վերջոյ, հանքերուն, հողերուն տէր երկիրները չե՛ն, որ առաւելաբար կ՚՚օգտուին իրենց բնական հարստութիւններէն, այլ այն մեծ ընկերութիւնները, որոնք հանքամշակումը կը կատարեն ու կը հարստացնեն իրենց ղեկավարներն ու փայատէրերը, ինչպէս նաեւ իրենց պետութիւններու իշխանաւորները, այլեւ կաշառելով շահագործուող երկիրներու պետական այրերը՝առաւելագոյն չափով անարգել գործել կարենալու համար։ Կառավարութիւնները չե՛ն ծառայեր իրենց վարած երկիրներու ժողովուրդներու շահերուն։

Ինչպէ՞ս անտեսել այս հարցերը, որոնք ոչ միայն աշխարհի, այլեւ մեր ալ երկրի մտահոգութեան առարկան կը հանդիսանան։

Վերնագրիս մեկնաբանութիւնը կը ձգեմ ընթերցողին…

ՎՐԷԺ-ԱՐՄԷՆ

Երկուշաբթի, 23 Սեպտեմբեր 2019-ին, Գանատայի Հայոց Թեմի Առաջնորդ Գերաշնորհ Տ. Բաբգէն Արքեպիսկոպոս Չարեան, յատուկ հրաւէրով մը մասնակցեցաւ Քեպէգի Անկլիքան Եկեղեցւոյ Առաջնորդ՝ Պրուս Ճոզըֆ Մայըրզ Եպիսկոպոսի գնահատման միջոցառումին:

Հանդիսութիւնը տեղի ունեցաւ Թորոնթոյի «Թամարի» սրահին մէջ: Առաջնորդ Սրբազան Հօր կ’ընկերանար Թորոնթոյի Ս. Աստուածածին Հայց. Առաքելական Եկեղեցւոյ հոգեւոր հովիւներէն Հոգեշնորհ Տ. Վարդան Վարդապետ Թաշճեան: Ներկայ էր նաեւ Հայ Դատի Յանձնախումբի Օթթաուայի գրասենեակի գործավար Սեւակ Պէլեան:

Նշենք, որ Մայըրզ Եպիսկոպոս գնահատանքի արժանացաւ իր ունեցած միջ-եկեղեցական եւ միջ-կրօնական ծառայութիւններուն համար:

Առաջնորդ Սրբազան Հայրը շնորհաւորեց եւ նորանոր նուաճումներ մաղթեց Մայըրզ Եպիսկոպոսին, շեշտելով միջ-եկեղեցական եւ միջ-կրօնական յարաբերութեանց կարեւորութիւնը:

Դիւան Ազգային Առաջնորդարանի

29 Սեպտեմբեր 2019-ին, տեղի ունեցած է ՀՅԴ պահեստազօրայիններու գումարտակի հրամանատարութեան հերթական հաւաքը, որուն մասնակցած են կամաւորականներ եւ պահեստազօրայիններ Հայաստանի բոլոր մարզերէն ու Երեւանէն։ Անոնց պատրաստութեան աստիճանը եւ կազմակերպուածութիւնը ստուգած են նաեւ զինուած ուժերու հրամանատարական կազմի ներկայացուցիչները:

Յիշեցնենք, որ Ապրիլեան պատերազմի ժամանակ ալ, ինչպես 90-ականներուն, դաշնակցականները մասնակցած են հայրենիքի պաշտպանութեան գործին: Գումարտակն ալ ձեւաւորուած է նոյնինքն Ապրիլեան պատերազմէն ետք՝ Շուշիի առանձին գումարտակի վեթերաններու կազմին հիման վրայ:

Հովանաւորութեմաբ եւ նախագահութեամբ Գանատայի Հայոց Թեմի Առաջնորդ Գերաշնորհ Տ. Բաբգէն Արքեպիսկոպոս Չարեանի, Չորեքշաբթի, 25 Սեպտեմբեր 2019-ին, Քեպէգի մէջ, Թեմիս հոգեւորականաց դասը ունեցաւ միօրեայ խոկմունք «Դուք էք աշխարհի լոյսը» թեմայով:

Ներկայացուեցան երկու դասախօսութիւններ: Առաջին դասախօսն էր Առաջնորդ Սրբազանը, նիւթ ունենալով «Աստուածաշնչական քահանայութիւնը եւ մենք», իսկ երկրորդ նիւթը ներկայացուց Հայաստանի Աստուածաշնչային ընկերութեան տնօրէն Արշաւիր Գաբուճեան, ներկայացնելով «Լոյսի Գաղափարը Աստուածաշունչի մէջ» նիւթը:
Օրուան ընթացքին տեղի ունեցան նաեւ Աստուածաշնչական խորհրդածութեան պահեր եւ Երեկոյեան Ժամերգութիւն։

Հոգեպարար այս օրը, Գանատայի Հայոց Թեմի հոգեւորականներուն համար առիթ եղաւ ի մի խմբուելու, Աստուծոյ հետ ըլլաու եւ բաժնեկցելու քահանայական կոչումի մասին իրենց մտորումները, խորհրդածութիւններն ու ներշնչումները եւ վերանորոգ յանձնառութեամբ վերադառնալու իրենց համայնքները եւ շարունակելու ծառայութիւնը նոր աւիւնով եւ յանձնառութեամբ։

Նոյն օրը, համագումարի աւարտին, Առաջնորդ Սրբազան Հօր նախագահութեամբ, գումարուեցաւ Թեմիս Կրօնական Ժողովը, որուն ընթացքին արծարծուեցան Թեմիս համայնքներու իրավիճակը, քննարկուեցան յառաջիկայ տարուան տեղի ունենալիք յիշարժան առիթները, ինչպէս՝ Մեծի Տանն Կիլիկիոյ Դպրեվանքի 90-ամեակը, նաեւ՝ մշակուեցան մօտիկ ապագայի անմիջական ծրագիրներ՝ առ ի գործադրութիւն։

Առաջնորդ Սրբազան Հայրը գնահատեց համայնքներէն ներս հովիւներուն եւ հոգաբարձութեանց տարած աշխատանքը, նորանոր յաջողութիւններ մաղթելով Թեմէս ներս տարուող Աստուածահաճոյ եւ եկեղեցաշէն բոլոր աշխատանքներուն։

Դիւան Ազգային Առաջնորդարանի

Նախաձեռնութեամբ 28-ամեակի Տօնակատարութեան Թորոնթոյի Միացեալ Մարմնի յանձնախումբին, Ուրբաթ, 20 Սեպտեմբեր 2019-ին, թորոնթոհայութիւնը համախմբուեցաւ իր կուսակցական, եկեղեցական եւ միութենական հաստատութիւններու ներկայացուցիչներով, Հայ Երիտասարդական Կեդրոնի «Համազգային» թատերասրահէն ներս, նշելու Հայաստանի եւ Արցախի Հանրապետութեանց Անկախութեան 28-րդ տարեդարձը: Օրուան բանախօսն էր Հայաստանի Հանրապետութեան արտակարգ եւ լիազօր դեսպան Անահիտ Յարութիւնեան:

Գեղարուեստական յայտագրին բացումը կատարեց Համազգայինի «Գուսան» երգչախումբը, ղեկավարութեամբ Հռիփսիմէ Թովմասեանի, դաշնամուրի ընկերակցութեամբ Վանիկ Յովհաննիսեանի, «O Canada», «Մեր հայրենիք» եւ «Ազատ ու անկախ Արցախ» օրհներգներով: Օրուան հանդիսավար Սարին Փօլատեան Աբիկեան պատշաճ կերպով ներկայացուց հանդիսավարի իր խօսքը՝ անդրադառնալով անկախութեան հռչակման պատմականին՝ 1991-Սեպտեմբեր 21-ի հանրաքուէի գործընթացին, որուն արդիւնքն էր Հայաստանի լուսաշող անկախութիւնը: Ան շեշտեց, թէ այսօր ունինք անկախ հայրենիք եւ սփիւռք, հայ ժողովուրդը իր զոյգ եւ անբաժանելի հայրենական ու սփիւռքեան թեւերով միասնաբար կը դիմագրաւեն մարտահրաւէրներ՝ հայու աննկուն կամքով ու անխորտակելի հաւատքով: Ապա աւելցուց, որ թէպէտ 28 տարի է, որ Հայաստանը անկախ է, սակայն հայութեան համար 28 տարիները բաւարար չեն որպէս ապագայի գոյութեան երաշխիք, այլ իւրաքանչիւր հայ երիտասարդ պէտք է պայքարի՝ պահելու այս անկախութիւնը եւ նուաճելու ամբողջական հայրենիքը:

Հանդիսավարի խօսքին յաջորդեց «Իմ անուշ հայրենիք» մեներգը, կատարողութեամբ Մինէ Ծատուրեանի, դաշնամուրի ընկերակցութեամբ Վանիկ Յովհաննիսեանի: «Գուսան» երգչախումբի իւրայատուկ կատարողութեամբ եւ Սեւակ Յարութիւնեանի մեներգողութեամբ՝ ներկաները ունկնդրեցին «Հայաստան ասելիս» եւ «Երեւան-Էրեբունի» ազգագրական խմբերգները:

«ARMENIA» խորագրով տեսերիզին ընդմէջէն ցուցադրուեցաւ 21 Սեպտեմբեր 1991-ի անկախութեան հռչակագրի ընթերցումէն պատկերներ, Հայաստանի արդիւնաբերական աշխատանքներէն, ռազմավարական եւ քաղաքական գործունէութիւններէն պատկերներ, ինչպէս նաեւ Հայաստանի բնական աշխարհը, բուսական հարստութիւնները եւ բուսական դեղորայքի արտադրութիւններու յառաջացումը: Տեսերիզը ընդգրկած էր նաեւ Հայաստանի մէջ աշխարհի ամենահին քաղաքի գոյութիւնը, ճատրակի յառաջդիմութիւնը, համակարգչային եւ գիտարուեստական ասպարէզներու մէջ տեղի ունեցող զանազան զարգացումները:

Օրուան բանախօս Հայաստանի Հանրապետութեան արտակարգ եւ լիազօր դեսպան Անահիտ Յարութիւնեան ողջունեց ներկաները անկախութեան տօնին առթիւ, յայտնելով իր մեծ գոհունակութիւնը գանատահայ համայնքի հանդէպ, յիշելով որ գանատահայ համայնքը ունի իր ուրոյն տեղը սփիւռքի տարածքին, եւ գանատահայուն անունը խորհրդանիշ է բարեկրթութեան, աշխատասիրութեան եւ նուիրուածութեան: Ան նաեւ շեշտեց հայ-գանատական բարեկամական յարաբերութիւններու զարգացման եւ համագործակցութեան անհրաժեշտութիւնը: Այս առթիւ յարգարժան դեսպանը վերյիշեց, թէ անկախութեան տարիները լի են բազում պատմական էջերով, որոնք իրենց մէջ կ’ամփոփեն պատմական փորձութիւններու յաղթահարումներ, ուստի մեզմէ իւրաքանչիւրին պատասխանատուութիւնն է կառուցել Հայաստանի բարգաւաճ ապագան, շարունակել մայր հայրենիքի հզօրացման ազգանուէր գործը, ինչպէս նաեւ Արցախը կայուն եւ անվտանգ պահելու ջանքերը: Ան առիթը յարմար նկատեց մէջբերելու Նովա Սքոչիայի Եարմութ քաղաքին մէջ Սառա Քորնինկի յուշարձանին զետեղման յատկանշելի արարողութեան մասին, բարձր գնահատելով սոյն ծրագրի իրականացումը: Խօսքը աւարտեց շնորհաւորելով ներկաները 28-ամեայ անկախութեան առթիւ, մաղթելով անվտանգ, կայուն եւ խաղաղ Հայաստան ամբողջ հայութեան:

Բեմ բարձրացաւ Համազգայինի «Էրէբունի» պարախումբը, գեղարուեստական ղեկավարութեամբ պարուսոյց եւ բեմադրիչ Նելլի Կարապետեանի, ներկայացնելու հայկական պարի հարուստ աշխարհէն հմայիչ պատկերներ՝ «Ղարաբաղ», «Մոկաց հարսեր» եւ « Արտաշատ» ազգագրական պարերով, մենակատարութեամբ Ծիլա Գուրճաքեանի եւ Ռուպինա Սարգիսեան Դանիէլեանի:

Գեղարուեստական յայտագրին մաս կազմեց նաեւ «Իմ սէր Արցախ» խորագրով երգը, կատարողութեամբ Դալար Սիմոնեանի, դաշնամուրի ընկերակցութեամբ Վրէժ Ղազարեանի: Ինչպէս նաեւ նուագներով իր մասնկացութիւնը բերաւ Գէորգ Մանուկեան, կրկին դաշնամուրի ընկերակցութեամբ Վրէժ Ղազարեանի, ներկայացնելով «Իմ Երեւան» եւ «Երազ իմ երկիր հայրենի» հայրենաշունչ երաժշտական կտորները:

Հանդիսութեան փակումը կատարեց Սարին Փօլատեան Աբիկեան՝ Պարոյր Սեւակի եւ Գէորգ Էմինի հայրենասիրական երկերէն բծախնդրօրէն ընտրուած համադրումներու ասմունքով:

Շողեր Ճելլատեան Տանատեան

 

 

As part of the official trip to Armenia, Singapore’s Prime Minister Lee Hsien Loong also visited the Tsitsernakaberd Memorial to pay tribute to the memory of the Armenian Genocide victims.

Singapore’s PM laid a wreath at the memorial and also flowers at the Eternal Flame on September 29th.

Lee Hsien Loong then toured the Armenian Genocide Museum-Institute, where he signed the guestbook:

“The Armenian people have shown great strength and fortitude since the tragic events of 1915. May you always enjoy peace, security and harmony”.

 

Իշխան Սաղաթէլեան. «Մենք Պիտի Ըլլանք Միասնակամ, Չկան Տարբերութիւններ, Կայ Մէկ Ժողովուրդ, Մէկ Հայրենիք, Մէկ Հիմնական Նպատակ` Ազատ, Անկախ Եւ Միացեալ Հայաստան»

Յակոբ Բագրատունի. «Մեր Կեանքը, Ապրումն Ու Պայքարը Մեր Հոգիներուն, Սրտերուն, Մտքերուն, Մեր Միասնականութեան Ու Հաւաքական Բռունցքին Մէջ Է»

Պուրճ Համուտի քաղաքապետարանի դաշտին վրայ տարբեր մթնոլորտ կը տիրէր երէկ` 29 սեպտեմբերին, յետմիջօրէի ժամը 5:00-էն մինչեւ կէս գիշեր, որովհետեւ անիկա համախմբման վայր դարձաւ լիբանանահայութեան համար` առանց տարիքի ու սեռի խտրութեան: Արդարեւ, «Մի՛շտ միասին» խորագիրը կրող ժողովրդային փառատօնին, որ կազմակերպուած էր ՀՅ Դաշնակցութեան Լիբանանի Կեդրոնական կոմիտէի Հանրային կապերու մարմինին կողմէ, մասնակցեցան մեծաթիւ հայորդիներ, որոնց իւրաքանչիւրին հետաքրքրութեան եւ ճաշակին համաձայն խաղեր, երաժշտութիւն եւ ուտեստեղէններ տրամադրուած էին:

Տպաւորիչ,  ուրախութիւն եւ յուզում առթող էր պատկերը` հոն էին մանուկն ու պատանին, մայրերն ու հայրերը, երիտասարդներն ու միջին տարիքի ներկայացուցիչները, հոն էին ծերունիները, գաւազանին յենած քալողները, բոլորը եկած էին միասնաբար, Դաշնակցութեան հետ վայելելու, հաճելի պահեր անցընելու, սրտի խօսքեր լսելու, տարբեր ոճի երգերով ապրելու, զուարճանալու, լիցքաւորուելու եւ բարձր տրամադրութեամբ ու գոհունակ սրտերով տուն վերադառնալու:

Դաշտին կողմերը տեղադրուած էին կրպակներ ուտելիքի, քաղցրեղէնի եւ խմիչքի, որոնց գիները առաւելագոյն չափով մատչելի էին բոլորին:

Մանկապատանեկան «Ծիածան» խումբը ներկայացուց հետաքրքրական յատագիր:

Երեկոյեան գործադրուեցաւ գեղարուեստական եւ երաժշտական յատուկ ու ճոխ յայտագիր, որուն իրենց մասնակցութիւնը բերին եւ յաջորդաբար ազգային-հայրենասիրական երգերով մթնոլորտը խանդավառեցին երգիչներ Վիգէն Տիշչեքենեան, Հրաչ Կայծակեան, Զոյա Բարաղամեան եւ Յակոբ Մկրտիչեան:

Ելոյթ ունեցաւ նաեւ «Միհրան» նուագախումբը եւ մեկնաբանեց փունջ մը հայրենասիրական երգեր:

Ուշագրաւ եւ յոյժ հպարտալի երեւոյթ էր այն շուրջպարը, զոր կատարեցին համախմբուած հայորդիները: Անոնք, շրջանակ կազմելով` առաջնորդութեամբ պարուսոյցներ Կարէն եւ Ժաքլին Մակինեաններու, պար բռնեցին դաշտի ամբողջ տարածքին եւ հաստատեցին, որ հայ ժողովուրդի զաւակները ուժեղ են, երբ միասին են, վեհ ու անդրդուելի են, երբ միասնակամ են:

Ձեռնարկի պաշտօնական բացումը կատարուեցաւ Լիբանանի եւ Հայաստանի քայլերգներու ունկնդրութեամբ: Փառատօնին յայտագիրը վարեց Հուրի Փափազեան-Էմմիեան:

ՀՅԴ Լիբանանի Կեդրոնական կոմիտէի Հանրային կապերու մարմինին անունով խօսք առաւ Յակոբ Հաւաթեան: Ան խօսքը ուղղելով բազմահազար ժողովուրդին ըսաւ. «Դուք ձեր գործնական մասնակցութեամբ եւ ինքնակամ համոզումով տուած էք փաստը «Մի՛շտ միասին» ըլլալու ըմբռնողութեան, եւ իրերայաջորդ սերունդներ այս բացարձակ իրականութիւնը ու խոր ճշմարտութիւնը քանդակած են հայ կեանքի երկնակամարին վրայ: Այսօր մենք բոլորս` ամբողջ լիբանանահայութիւնը, երեկոյեան ժամը 5:00-էն ժամադրուեցաւ Պուրճ Համուտի քաղաքապետարանի դաշտին մէջ մասնակցելու տօնախմբութեան: Մենք այսօր կ՛եզրափակենք տօնախմբութիւնը` նշելով Հայաստանի Հանրապետութեան վերանկախացման տարեդարձը»: Ան խօսքի աւարտին շնորհակալական խօսք ուղղեց բոլոր այն անձնակազմերուն, որոնք անցնող օրերուն, տիւ եւ գիշեր աշխատեցան, որպէսզի ձեռնարկը յաջողութեամբ պսակուի: Ան շնորհակալութիւն յայտնեց նաեւ  գեղարուեստական յայտագիրի մասնակիցներուն, ինչպէս նաեւ Պուրճ Համուտի քաղաքապետութեան, որ իր ամբողջ կարողականութիւնը ի սպաս դրաւ` յիշատակելի ձեռնարկ մը ունենալու համար:

Ապա խօսք առաւ ՀՅԴ  Հայաստանի Գերագոյն մարմնի ներկայացուցիչ Իշխան Սաղաթէլեան, որ նախ իր ուրախութիւնը եւ յուզումը  յայտնեց Հայաստանի Հանրապետութեան անկախութեան տօնը Լիբանանի մայրաքաղաք Պէյրութի մէջ նշելուն համար: Ան ըսաւ, թէ պատիւ է իրեն համար ներկայ գտնուիլ Հայաստանի Հանրապետութեան անկախութեան նուիրուած ձեռնարկին, ապա հաստատեց, որ լիբանանահայութիւնը անցնող  տարիներուն ընթացքին հետեւողական ինքնուրոյն մասնակցութիւն ունեցած է Հայաստանի Հանրապետութեան զարգացման գործին մէջ թէ՛ տնտեսական, թէ՛ ընկերային, թէ՛ քաղաքական, թէ՛ մշակութային եւ թէ՛ միւս բնագաւառներուն մէջ: Լիբանանի հայ համայնքը իր մէկ դարեայ պատմութեան ընթացքին դիմակայած է շարք մը դժուարութիւններ, բայց այդ դժուարութիւնները յաղթահարած է պատուով ու արժանապատուութեամբ եւ պետականութեան բացակայութեան պայմաններուն մէջ միշտ վառ պահած է հայոց պետականութեան եւ պահանջատիրութեան ջահը: Լիբանանի հայ համայնքը նաեւ սրբօրէն պահած ու պահպանած է հայ արժէքները, հայ եկեղեցին, հայոց լեզուն եւ մշակոյթը:

Ապա խօսքը ուղղելով ժողովուրդին Սաղաթէլեան ըսաւ. «Դուք այսօր ձեր հայրենիքին մէջ չէք ապրիր, ցեղասպան թուրքը ձեզ զրկած է ձեր հայրենիքէն, բայց չէ կրցած ձեր մէջ սպաննել հայրենիքը, հայրենիքը ձեր մէջ է, ձեր ծիներուն մէջ է, ձեր արեան եւ էութեան մէջ է: Ճիշդ այստեղ բոլորին աչքերուն մէջ կը տեսնեմ մայր հայրենիքը` Հայաստանի Հանրապետութիւնը եւ Արցախը: Ես Հայաստանէն եկած եմ ոչ թէ պատգամներ ըսելու, այլ իմ երախտագիտութիւնս յայտնելու լիբանանահայ հերոսական ժողովուրդին: Լիբանանահայ այն հերոս զաւակներուն, որոնք արցախեան ազատագրական պայքարի ճիշդ առաջին օրերուն նետուեցան սահման` մեր հայրենիքը պաշտպանելու համար: Անգամ մը եւս յարգենք, յիշատակենք եւ խոնարհինք Վիգէններու, Մհերներու, եւ միւս բոլոր հայորդիներուն առջեւ, որոնք պաշտպանեցին մեր հայրենիքը»:

Ան իր խօսքին մէջ նշեց, որ այսօր նոր աշխարհաքաղաքական իրավիճակներու եւ նոր պայմաններու մէջ հայ ժողովուրդը եւ Հայաստանի Հանրապետութիւնը կը դիմագրաւեն նոր դժուարութիւններ, հետեւաբար հայ ժողովուրդը պէտք է ըլլայ միասնակամ, միակամ այս դժուարութիւնները միասնաբար յաղթահարելու համար: Ապա Հայ յեղափոխական դաշնակցութեան Հայաստանի Գերագոյն մարմինին անունով Իշխան Սաղաթէլեան յայտարարեց. «Մեր երկրին մէջ կան սպառնացող վտանգներ, կան մեր ժողովուրդը պառակտելու եւ մասնատելու փորձեր: Միաժամանակ կը յայտարարեմ, որ մենք` իբրեւ Դաշնակցութիւն, այդ պառակտումը թոյլ պիտի չտանք, մենք պիտի ըլլանք միասնակամ, չկան հին եւ նոր Հայաստաններ, չկայ ղարաբաղցի, հայաստանցի, իջեւանցի, գիւմրեցի, լիբանանցի, կայ մէկ ժողովուրդ, մէկ հայրենիք, մէկ հիմնական նպատակ` ազատ, անկախ, միացեալ Հայաստան»:

Իշխան Սաղաթէլեան իր խօսքը եզրափակելով նշեց. «ՀՅԴ Հայաստանի Գերագոյն մարմինին անունով կը յայտարարեմ` Հայաստանի Հանրապետութեան ներքին կայունութիւնը, հայ ժողովուրդի համերաշխութիւնը, Հայաստանի մէջ իրական համակարգային բարեփոխումները կը շարունակեն մնալ Դաշնակցութեան առաջնային օրակարգին մէջ: Մենք ամէն ինչ պիտի ընենք միասնաբար` իրական ազգային օրակարգեր առաջ բերելու, այդ օրակարգերուն շուրջ համախմբուելու, հայ ժողովուրդի ամբողջ ջանքերը միաւորելու, մեր երազած ազատ, անկախ, միացեալ Հայաստանը կերտելու համար: Կեցցէ՛ հայկական սփիւռքը, կեցցէ՛ լիբանանահայութիւնը, կեցցե՛ն Հայաստանի եւ Արցախի Հանրապետութիւնները , կեցցէ՛ հայ ժողովուրդը, փա՜ռք անկախութիւն կերտողներուն»:

 

Ապա իր խօսքը արտասանեց ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի, որ շեշտեց, թէ միշտ միասին, միշտ կողք կողքի ըլլալը` յանուն հայ ժողովուրդին, եղած է ու կը շարունակէ մնալ  լիբանանահայութեան գոյութեան իմաստը, պայքարի նպատակը, տասնամեակներու պատմութիւնը, որ փաստօրէն կը պահէ իր հնչեղութիւնն ու խորքայնութիւնը` սփիւռքի արիւնատար երակին` Պուրճ Համուտի դաշտը լեցուցած եւ «Մի՛շտ միասին» կարգախօսին ներքեւ համախմբուած ժողովուրդին պարզած տպաւորիչ պատկերով:

Ան դիտել տուաւ, որ պաշտօնական ու քաղաքական անձնաւորութիւններ, հոգեւորականներ, տարբեր կառոյցներու ներկայացուցիչներ, հարազատ ժողովուրդի իւրաքանչիւր անդամ համախմբուած է բաց աչքերով ու ականջներով` տեսնելու իրականութիւնը եւ ականջալուր ըլլալու անոր, մինչ ուրիշներ կ՛ուզեն մնալ համր ու կոյր` մերժելով տեսնել ու լսել ճշմարտութիւնը: Ասկէ մեկնած` Յակոբ Բագրատունի դիտել տուաւ, որ միասին եղողը, ժողովուրդի միասնականութեան հաւատացողը իրաւունք ունի ժողովուրդի իրաւունքներուն մասին խօսելու, ժողովուրդի պայքարին մէջ դերակատար ըլլալու, քննելու, քննադատելու: «Եւ դուք, սիրելինե՛ր, բազմահազար ժողովո՛ւրդ, եկած էք հեռաւոր Այնճարէն ու Թրիփոլիէն, Ժիպէյլէն եւ Ճիւնիէն, Մեթնի բարձունքներէն, ծովեզերեայ շրջաններէն, Պուրճ Համուտէն ու Պէյրութէն: Հո՛ս ենք բոլորս, սիրելինե՛ր, միասնութեան լաւագոյն պատկերը տալու, հո՛ս է Հայաստանի դեսպանութեան ներկայացուցչութիւնը, հո՛ս են ՀՅԴ Հայաստանի Գերագոյն մարմինի ներկայացուցիչները, հո՛ս են հոգեւոր հայրերը, եւ հո՛ս էք դուք` մի՛շտ միասին: Վերյիշեցում է, թէ պարզապէս վերապրում այն հոգիին ու ոգիին, որ տասնամեակներ ամբողջ դրսեւորուած է մեր մէջ, ձեր մէջ, ձեր ու մեր մէջ, այն հոգիին ու ոգիին, որ մենք միշտ միասին եղած ենք», ըսաւ երեսփոխան Բագրատունի:

«Մենք միասին եղած ենք մեր ցաւերուն եւ ուրախութիւններուն մէջ, մեր տխուր ու  զուարթ վայրկեաններուն, մեր պարտութիւններուն ու յաղթանակներուն ընթացքին, եկեղեցւոյ մէջ, դաշտին վրայ, մարզական, մշակութային թէ բարեսիրական մեր միութիւններուն մէջ: Մենք միասին եղած ենք, երբ Հայաստանն ու Արցախը արեան կարիք ունեցած են, երբ անոնք վտանգի մէջ եղած են, երբ Լիբանանը վտանգի դէմ յանդիման կանգնած է: Մենք միասնաբար կռուած ենք, մինչ ուրիշներ իրարու դէմ կռուած են, մենք միասնաբար պայքարած ենք, մինչ ուրիշներ իրարու դէմ պայքարած են, մենք միասնաբար պաշտպանած ենք մեր ինքնութիւնը, մինչ ուրիշներ գողութեամբ, քանդումով, աւերով զբաղած են:

«Դժուար օրերու մէջ ենք Լիբանանի մէջ, բայց, ի սէր Աստուծոյ, ըսէ՛ք, ե՞րբ դժուար օրերու մէջ չէ եղած հայ ժողովուրդը: Իսկ հայ ըլլալ ի՞նչ կը նշանակէ. հայ ըլլալ կը նշանակէ դժուար օրեր ապրիլ եւ դժուար օրերու մէջ դիմադրել, այդ դժուարութիւններուն դէմ կանգնիլ, յաղթել եւ ուրիշին սորվեցնել ու ուսուցանել, թէ ինչպէ՛ս մենք կանք ու կը մնանք, որովհետեւ մեր կեանքը, մեր ապրումը, մեր պայքարը ճամբորդական պայուսակներուն մէջ չէ, այլ մեր հոգիներուն, սրտերուն, մտքերուն, մեր հաւաքական բռունցքին մէջ է», հաստատեց Յակոբ Բագրատունի: Ան դիտել տուաւ, որ մենք հեռու ենք նենգութենէ, հայհոյանքէ, մեզ օտարացնելու ձգտող հովերէն ու փոթորիկներէն: «Կը փորձեն մեզ հարուածել, պատասխանը դո՛ւք էք, սիրելինե՛ր, կը փորձեն մեզ պառակտել, պատասխանը հո՛ս է, սիրելինե՛ր, կը փորձեն պատմութիւնը նենգափոխել, պատասխանը հոսկէ կու տաք, սիրելի՛ ժողովուրդ», նշեց Բագրատունի` աւելցնելով, որ միշտ ալ փորձ կը կատարուի լիբանանահայութիւնը տարբեր ուղղութիւններու մէջ տեսնել, սակայն իսկական ու միակ ուղղութիւնը հայ ժողովուրդի, հայութեան ու Հայաստանի գերագոյն նպատակն է, մեր միակ ուղղութիւնը մեր ժողովուրդի ու հայրենիքի գոյատեւումն է, իսկ հայրենիքի գոյատեւման համար կարեւոր ու առանցքային է լիբանանահայութեան գոյատեւումը:

Յակոբ Բագրատունի իր խօսքը շարունակեց հաստատելով, որ ժողովուրդն ու Դաշնակցութիւնը իրարմով ապրելու պայմանաւորուածութիւն ունին, իրարու հետ ըլլալու երդում տուած են: «Ան, որ իր կեանքին գնով մեր ժողովուրդին ծառայելու եւ, ի պահանջել հարկին, նահատակուելու երդում տուած է, դաշնակցական մարդը, իր ժողովուրդը առանձին չի կրնար ձգել, որովհետեւ դաշնակցականը այն մարդն է, որ ամէն օր եւ ամէն վայրկեան կը տառապի, կը ցաւի իր ժողովուրդի հարցերով ու կը պայքարի, կը ճգնի, որպէսզի այդ հարցերը լուծուին», նշեց ան: Բագրատունի դիտել տուաւ, որ թէեւ շատ վատ օրեր ապրած ենք, եւ այդ դաժան օրերուն հետքը մնացած է իւրաքանչիւր ընտանիքի մէջ, սակայն պատմութիւնը ցոյց տուած է, որ լիբանանահայութիւնը կրցած է յաղթահարել եւ յաղթանակել:

«Պիտի յաղթենք այս անգամ եւս, սիրելինե՛ր, պիտի յաղթանակենք միասնաբար, բաց ճակատով, թիկունք թիկունքի, բոլորս, մէկ բռունցքով` ի խնդիր Հայաստանի, Արցախի եւ համայն հայութեան», խօսքը եզրափակեց  ՀՅԴ Լիբանանի Կեդրոնական կոմիտէի ներկայացուցիչը:

Ապա ժողովուրդին խանդավառութիւնը իր գագաթնակէտին հասաւ սիրուած երգիչ Գառնիկ Սարգիսեանին կողմէ մեկնաբանուած ազգային ու յեղափոխական երգերով, որոնց միացան նաեւ ներկաները:

Մինչ ան կը մեկնաբանէր Արարատին նուիրուած երգը` «Աննման իմ Մասիսին», իսկոյն հպարտօրէն եւ խրոխտ քայլերով բեմ բարձրացան լիբանանահայ այն երիտասարդները, որոնք օգոստոս 21-ին եռագոյնը պարզեցին Արարատի գագաթին` իրենց երազը իրականացնելով:

(Armradio) – Armenia’s Minister for High-Tech Industry Hakob Arshakyan has shared a video presenting the activity of several Armenian startups specialized in Artificial Intelligence.

On October 6 Armenia will host the first ever concert of music written live by artificial intelligence (AI), in which the musicians perform the score as it is being written.

artificial Intelligence

🇦🇲 Ձեզ եմ ներկայացնում Հայաստանում արհեստական բանականությամբ զբաղվող մի քանի ընկերությունների մասին պատրաստված հոլովակը։🇦🇲 We combined a group of Armenian startups and organizations specialized in Artificial Intelligence in this short video, and this is just the beginning!Look at this video, are not they amazing?

Posted by Hakob Arshakyan on Sunday, September 29, 2019

The concert is part of the opening ceremony of the World Congress of Information Technology (WCIT), one of the largest IT events in the world, which will be held this year in Yerevan, Armenia.

ԱՅՑԵԼՈՒԹԵԱՆ ՄԸ ԱՌԹԻՒ

ՀԱՅՐԵՆԻՔի Խմբագրական

Շատ բան գրուեցաւ Հ.Հ. վարչապետ Նիկոլ Փաշինեանի Միացեալ Նահանգներ եւ յատկապէս հայահոծ Լոս Անճելըս այցելութեան նախօրեակին: Միեւնոյն թափն ալ շարունակուեցաւ այցելութեան ժամանակ, ապառնին վերածելով ներկայի:
Նիւ Եորքի Միացեալ Ազգերու Կազմակերպութեան կեդրոնի բեմահարթակէն Փաշինեանի խօսքը կրնայ նոյնքան հետաքրքրութիւն չստեղծել հայորդիին համար, համեմատած Լոս Անճելըսի հանրահաւաքին: Ի վերջոյ, Քալիֆորնիոյ մէջ հայը հայուն հետ կը զրուցէր, մինչդեռ Մ.Ա.Կ.-ի մէջ տարբեր է կացութիւնը: Փաշինեան օտարին է, որ ներկայացուց վերանկախացման 28-ամեակը բոլորած Հայաստանը:
Բնականաբար, հայորդին կրնար ենթադրել ու կռահել, թէ Նիւ Եորքի մէջ, Մ.Ա.Կ.-ի բեմահարթակէն, Փաշինեան ինչպիսի՞ ելոյթ մը պիտի ունենար: Եւ այդպէս ալ եղաւ, մինչդեռ Քալիֆորնիոյ մէջ, տասնեակ հազար հայորդիներու դիմաց շատ աւելի դժուար պիտի ըլլար հեզասահ խօսիլն ու զանազան հարցերու շուրջ արտայայտուիլը: Ի վերջոլ, հոն գտնուող «Լիթըլ Արմինիա»-ն այդքան ալ փոքր ու գաճաճ չէր եւ դեռ աւելին, միայն Հայաստանէն գաղթած զանգուած մը չէր, որ հոն ներկայացած էր, այլ զանազան շրջաններէ՝ Միջին Արեւելքէն, Եւրոպայէն եւ Լատին Ամերիկայէն ժամանած իբրեւ երկրորդ սփիւռքեան հանգրուան մը ստեղծած «Նէօ-Քալիֆորնիահայ»-ն ալ եկած էր ունկնդրելու եւ տեսնելու Հ.Հ. վարչապետը:
Դժուար է խոր վերլուծում մը կատարելը, մինչդեռ շատ դիւրին է քննադատական եւ յատկապէս գնահատական խօսքեր արտայայտելը: Դեռ աւելին, վերլուծելէ աւելի, գերխրթին է մէկ առ մէկ մանրամասնօրէն քննարկելը:
Յստակ էր, թէ այդ մթնոլորտին մէջ կարելի է ելոյթ մը շուտով «շօ»-ի վերածել: Սակայն, նաեւ պէտք է ընդունիլ, թէ այդպիսի պայմաններու տակ ստեղծուած հաւաք մը արդէն իսկ նոյնինքն «շօ» մըն է, որմէ դուրս գալը շատ աւելի դժուար է, մանաւանդ որ կրկին պէտք է նշել, թէ ներկաներուն ջախջախիչ մեծամասնութիւնը եկած է այն համոզումով, որ ներկայացուելիքը «շօ» մըն է:
Հոս է, որ հաւանաբար վարչապետ Փաշինեան կրնար դուրս գալ այդ ծուղակէն եւ փոխանակ երկար բանախօսութիւն մը կատարելու, բաւականանար համեմատաբար կարճ զեկուցումով, ուր միտք բանին կրնար գերազանցել խօսք բանին:
Նաեւ, բազմիցս բաղդատականներ կատարուեցան շաբաթներ առաջ համահայկական խաղերու բացման առթիւ՝ Ստեփանակերտի մէջ արտասանած վարչապետի խօսքին եւ Լոս Անճելըսի մէջ ունեցած ելոյթին միջեւ: Հոս ալ տեղին է նշելը, թէ վայրն ու պայմանները բոլորովին տարբեր եզրակացութիւններու դուռ կը բանան:
Հուսկ, վարչապետին իսկ բանաստեղծի գրչով արտասանութեան մէկ տողը տեղին է կրկնել․- «Հայաստանը պատմութիւն է, որ ո՛չ վերջ, ո՛չ սկիզբ ունի»․․․աւարտելով իր իսկ արտասանած Պարոյր Սեւակի խօսքերը․- «․․․Մեզ հա՜յ են ասում։ Եւ ինչո՞ւ պիտի չհպարտանանք…Կա՛նք: Պիտի լինե՛նք: Ու դեռ շատանա՜նք»:
Գգուանք արտայայտող, փաղաքշական ու փայփայիչ խօսքերով կարելի է համոզել ու հմայել, սակայն վարչապետը չանդրադարձաւ երկրէն ներս ստեղծուած մտահոգիչ կացութեան, սկսելով բնութեան պահպանումէն, մինչեւ օրէնքի եւ սահմանադրական կարգի սայթաքումը:

ՍՏԵՓԱՆԱԿԵՐՏ, «Ապառաժ».- 25 Սեպտեմբերին, Արցախի Ազգային ժողովի նախագահ Աշոտ Ղուլեան ընդունեց Աւստրալիոյ խորհրդարանականներ Ջոն Ալեքսանտրը եւ Հիւ Մաք-Տերմոթը, որոնք Արցախ կը գտնուին Աւստրալիոյ Հայ Դատի յանձնախումբին նախաձեռնութեամբ եւ Աւստրալիոյ Արցախի մնայուն ներկայացուցիչ Քայլար Միքայէլեանի ընկերակցութեամբ:

Ազգային ժողովի նախագահը երախտագիտութիւն յայտնեց հիւրերուն՝ Աւստրալիոյ եւ Արցախի կապերու կառուցայնացման ուղղուած գործունէութեան եւ Աւստրալիոյ Հայ Դատի յանձնախումբին՝ հետեւողական եւ արդիւնաւէտ աշխատանքին համար: Աշոտ Ղուլեան՝ խօսելով Աւստրալիոյ եւ Արցախի համագործակցութեան հեռանկարներուն մասին, անդրադարձաւ 24 Սեպտեմբերին «Արցախ-Աւստրալիա» բարեկամութեան շրջանակի ստեղծման:

Շնորհակալութիւն յայտնելով ընդունելութեան համար՝ Աւստրալիոյ խորհրդարանի պատգամաւոր Ճոն Ալեքսանտր խօսեցաւ հայ-աւստրալական վաղեմի բարեկամութեան մասին՝ յատկապէս Հայոց Ցեղասպանութեան տարիներուն: Խորհրդարանականը կարեւոր նկատեց աւստրալահայերուն դերակատարութիւնը՝ զայն համարելով մարդկային կամուրջ երկու երկիրներուն միջեւ:

Հիւ Մաք-Տերմոթ եւս պատրաստակամութիւն յայտնեց աջակցելու Արցախին՝ դիտել տալով. «Ժողովրդավարական այս երկիրը պէտք է ապրի, եւ աշխարհը պէտք է ճանչնայ զայն»։

Հանդիպման աւարտին Ազգային ժողովի նախագահը հիւրերուն յանձնեց Արցախի Հանրապետութեան նախագահ Բակօ Սահակեանի հրամանագիրով Ճոն Ալեքսանտրին շնորհուած «Վաչագան Բարեպաշտ» եւ Հիւ Մաք-Տերմոթին շնորհուած «Երախտագիտութիւն» պետական պարգեւները:

Հանդիպման մասնակցեցան նաեւ Արցախի Հանրապետութեան արտաքին գործոց նախարար Մասիս Մայիլեան եւ Ազգային ժողովի պատգամաւոր, «Արցախ-Աւստրալիա» բարեկամութեան շրջանակի նախագահ Դաւիթ Իշխանեան:

Աւստրալիոյ խորհրդարանականները այնուհետեւ հանդիպում ունեցան «Արցախ-Աւստրալիա» բարեկամութեան շրջանակի անդամներուն հետ:

Ողջունելով հիւրերը՝ շրջանակի նախագահ, ԱԺ պատգամաւոր Դաւիթ Իշխանեան շնորհակալութիւն յայտնեց այս տարիներուն խորհրդարանականներու կատարած աշխատանքին համար եւ յոյս յայտնեց, որ այսուհետեւ կը քալեն միասին՝ կիսելով համատեղ յաջողութիւնները:

Հանդիպման ընթացքին երկուստեք կարեւոր նկատեցին համագործակցութեան ուղղութիւններու ամրագրումը եւ պարբերական կապեր հաստատելու անհրաժեշտութիւնը:

Former French President Jacques Chirac died Thursday, September 26 at the age of 86, AFP reports.

Chirac was Prime Minister of France from 1974 to 1976 and from 1986 to 1988, as well as Mayor of Paris from 1977 to 1995.

He then served as President of France and ex officio Co-Prince of Andorra from 1995 to 2007.

Chirac was a huge supporter of the recognition of the Armenian Genocide and during his visit to Yerevan in 2006 urged Turkey to recognize the mass killings of 1.5 million Armenians in the Ottoman Empire as Genocide.

«Հորիզոն» շաբաթաթերթի կազմակերպած Հայաստան ուխտագնացութիւնները առանձնայատուկ իրենց դրոշմը ունին. այս տարուան շրջապտոյտը, բծախնդրօրէն պատրաստուած ու համադրուած թերթին խմբագիր Վահագն Գարագաշեանի ջանքերով, սրբազան ու սովորական տեսարժան վայրերու այցելութիւններու կողքին (Էջմիածին, Զուարթնոց հնագիտական եկեղեցի-յուշարձան, Խոր Վիրապ, Նորավանք, Գառնիի հեթանոսական տաճար, Գեղարդ վանական համալիր, Տաթեւ վանական համալիր եւ այլն) կ՚ընդգրկէր այցելութիւն մեր անցեալի օրերը խորհրդանշող Անիի աւերակներուն, ինչպէս նաեւ մօտէն ծանօթանալու բացառիկ առիթ՝ համշէնական աշխարհին: Հարկ է նշել, որ Վահագն Գարագաշեանի պատասխանատուութեամբ կազմակերպուած դէպի հայրենիք ուխտագնացութիւնները լոկ զբօսաշրջիկային բնոյթ չունին, այլ առիթ կ՚ընծայեն յարգելի խմբագրին, մեր հերոսներուն սխրագործութիւններէն ներշնչուած, համեմուած զեկոյցներով, հայ ժողովուրդի արժանի զաւակները ըլլալու հպարտանքի զգացումն ու հայրենասիրութեան հուրը փոխանցելու խումբի անդամներուն:

Տեղին է նաեւ շեշտել, որ «Հորիզոն»ի խմբագրին հայրենանուիրումը ամբողջական է ու անսահման, ան Հայաստան ու Արցախ յաճախակի այցելութիւններով, տրամադրելի բոլոր միջոցներով կը ջանայ նեցուկ կանգնիլ ժողովուրդին, ազգային, կրթական ու մշակութային կարիքներուն. տեւաբար իր գուրգուրանքին ու հոգածութեան առարկայ է պատանի-պատանուհիներէ կազմուած Երեւանի «Նարեկացի» ժողովրդային գործիքներու նուագախումբը, որ արհեստավարժութեան մակարդակին հասած իր ելոյթով խորապէս հմայեց ու կախարդեց բոլորը: Ուշագրաւ ու գնահատելի երեւոյթ է նաեւ յարգելի խմբագրին այցելութիւնները Արցախի մէջ զոհուած ազատամարտիկներու ընտանիքներուն, ինչ որ կ՚ենթադրէ բարձր նկարագիր ու զգայուն սիրտ:

Արցախ ուխտագնացութիւնը կ՚ընդգրկէր այցելութիւն Գանձասար վանական համալիրին, հնագոյն Տիգրանակերտ քաղաքին պեղումնավայրը, հայդուկապետ Նիկոլ Դումանի թանգարանը, «Տաթեւի Թեւեր» ճոպանուղիով ուղեւորութիւնը Տաթեւ վանական համալիրին, ինչպէս նաեւ մասնակցութիւն Ստեփանակերտի հրապարակին վրայ Արցախի Հանրապետութեան անկախութեան տօնակատարութեան, որ դժբախտաբար անձրեւին պատճառով անշուք անցաւ:

Յիշատակելի ու անմոռանալի օր եղաւ Աստղաշէն գիւղի վարժարանին տուած մեր այցելութիւնը, որուն ընթացքին առիթը ունեցանք ըմբոշխնելու ու գնահատելու վարժարանին աշակերտութեան գեղարուեստական բացառիկ ձիրքերը (նուագ, երգ, պար, արտասանութիւն՝ դպրոցին վերաբացման առաջին օրուան զուգադիպող մեր այցելութեան ընթացքին). դպրոցի տնօրէնուհիին արտասանած հայրենաշունչ ուղերձը տակաւին ամբողջութեամբ դրոշմուած կը մնայ յիշողութեանս մէջ. ան պատանի աշակերտները նկատեց ապագայ ազատամարտիկներ՝ հարկ եղած պարագային պաշտպանելու Ղարաբաղի հողային ամբողջականութիւնը, տրուած ըլլալով որ ներկայիս կը տիրէ «ո՛չ պատերազմ, ո՛չ խաղաղութիւն» իրավիճակ, ու թշնամին պատրաստ է որեւէ ժամանակ հարուածելու:

Կէսօրին խումբը ճաշի հիւրը եղաւ գիւղին, զանազան տեսակի խորովածներէ, հացերով ու այլ տեսակի ուտեստեղէններով բեռնաւորուած սեղաններու շուրջ, ուր կը յորդէր հայկական խաղողի ու թութի գինին, օղին, ինչպէս նաեւ տեղւոյն վրայ պատրաստուած քոնեակը, արտասանուած հայրենաշունչ ճառախօսութիւններու մթնոլորտին մէջ:

Հայկական աւանդական հիւրասիրութիւն…

Ճաշերով բեռնաւորուած սեղաններով կարելի էր կշտացնել ամբողջ բանակ մը. յիշատակելի ու անմոռանալի օր:

Խումբը յայտագրին մէջ նախատեսուած իր այցելութիւնը տուաւ Դադիվանքին, ուր առիթը ունեցանք մօտէն ծանօթանալու ապառաժեայ նկարագրի տէր Տէր Յովհաննէսին, որ իր գործուն մասնակցութիւնը բերած է Արցախի ազատագրական պայքարներուն, ան իր գիւղական համեստ անկողինին տակ տեղաւորուած հրցանաը ցոյց տուաւ մեզի, յայտնելով որ հարկ եղած պարագային պատրաստ է վերստանձնելու իր ազտամարտիկի պաշտօնը:

Արեւմտահայաստան այցելութիւնը կ՚ընդգրկէր համշէններու աշխարհին հետ շփում ու մանաւանդ այցելութիւն անցեալի մեր օրերը խորհրդանշող Անիի աւերակներուն: Երբ կը մտածեմ Անիի մասին, յիշողութեանս մէջ անմիջապէս կը պատկերանայ Հալէպի մեր տան հիւրասենեակին պատէն կախուած գորգը, որուն վրայ սեւեր հագած հայ մայրը, Անիի աւերակներէն կոյտի մը վրայ նստած, աջ ձեռքը ծնօտին, լալէն աչքերը ցամքած, անօգնական ու յուսահատ, դարեր սպասելէ ետք արիւնաքամ, քարացած ու արձան դարձած՝ կ’ողբայ աւերակ դարձած Անին:

Մեզմէ շատեր զանազան առիթներով այցելած են հռոմէական, յունական եւ այլ քաղաքակրթութիւններ խորհրդանշող աւերակներ, սակայն հայու մը համար Անիի աւերակներուն այցելութիւնը, տարբեր հանգամանք ու իմաստ կը ստանայ, որովհետեւ Անին խոր արմատներ ու անջնջելի իր դրոշմը ունի իւրաքանչիւր հայ անհատի հոգիին մէջ. Հայաստանի մնայուն հոտը կայ անոր մէջ, որ խօսք առնելով մեզի կը պատմէ հայոց դարաւոր պանծալի պատմութեան կողքին նաեւ տխուր էջի մը մասին: Անիի աւերակները տեսնելէ շաբաթներ առաջ, տարբեր աշխարհ մը ստեղծուած էր մտքիս մէջ, որովհետեւ այդ աւերակներն ու քարերը դարերու հայ պատմութեան լեզուն են, որոնք կը պատմեն փառքը մեր հայրերուն ձեռքերովը շաղախուած ու արիւնովը ներկուած մեր տաճարներուն, եկեղեցիներուն ու մանաւանդ՝ հանճարը մեր նախահայրերուն:

Թեթեւ մաղուող անձրեւին տակ մուտք կը գործենք Անի: Չորս կողմ թափթփած քարեր, կիսակործան պատեր, հողակոյտեր, որմէ մէկուն վրայ բարձրանալով կը դիտեմ աւերակ քաղաքին ընդհանուր պատկերը. կը տեսնեմ Անիի մայր տաճարը, մին Անիի գեղեցկագոյն շէնքերէն՝ շինուած Տրդատ ճարտարապետի ձեռքով, որ կանգուն մնացած է, բացի գմբէթէն:

Երեւակայութիւն ու պատրանք միաձուլուած՝ աչքերուս առջեւ կ’ուրուագծուին խանձած ու փոշեթաթախ դէմքերով, պալատին առջեւ կանգ առած երկու հայ բարձրաստիճան զինուորականներ, որոնք կը հնչեցնեն իրենց փողերը, եղանակաւորելով հայոց ազգային քայլերգը…:

Ապա պահ մը առանձնանալով, հեռուէն դիտելով ընդհանուր պատկերը, աւերակներուն հետ կը դառնամ խօսակից ու զրուցակից, ու կարծես հեռուէն կը լսեմ ձայները մեր քաջերուն… պահ մը ետք ներսէն կ’արձագանգէ լալագին, խեղդուկ ձայն մը, որդեկորոյս մօր մը կանչը ըլլայ կարծես, որ կ’ողբայ կորուստը մեր փառաւոր անցեալի հազարումէկ եկեղեցիներուն… քիչ մը ետք լռութիւն է ամէնուրեք, միջավայրը վերածելով լուռ գերեզմանի մը… ու կը խորհրդածեմ՝ այլեւս չկան իշխաններ ու թագաւորներ Հայաստանի մէջ, սակայն կը յուսադրուիմ, որ պատմութենէն ներշնչուած ու ներհուն մտածողութեամբ հայ ժողովուրդը այսուհետեւ պիտի ըլլայ միակամ, պիտի ունենայ մէկ իշխանութիւն ու հաւաքական ուժ, որուն տէրը աշխարհացրիւ հայ ժողովուրդն է:

Անիի աւերակներուն մօտ տեղադրուած բոլոր բացատրական ցուցատախտակներուն վրայ կը նկատեմ բացակայութիւնը հայ անուան, որոնք բագրատունիները կը ներկայացնեն այդ շրջանի քրիստոնեայ, այժմ անհետացած մէկ համայնք…

Տխուր զգացում…

Խորապէս ազդուած անխնամ ճամբաներուն պատճառաւ ինքնաշարժին առթած ահաւոր ցնցումներէն, պարտասած ու պարպուած՝ առաւօտեան վաղ ժամերուն կը վերադառնանք Երեւանի մեր պանդոկը ու անմիջապէս կ’ուղղուինք մեր սենեակները:

Անկարելի կը դառնայ ինծի համար քնանալը… երեւակայութիւններու աշխարհին մէջ եմ ու խորապէս համոզուած, որ երբեմն երեւակայութիւնը աւելի իրական է քան ինքնին իրականութիւնը…:

Աչքերուս առջեւ կը ներկայանայ բագրատունի վերջին պատանի թագաւորը՝ Գագիկ Բ.-ը, արքունի պճնազարդ պալատին մէջ, բազմած իր գահին վրայ, մարգարտազարդ թագը գլխին, արմուկները հաստատած գահին արմկակալներուն վրայ, ու իր մօտ կանգնած քաջասիրտ պատուական հայը՝ սպարապետ Վահրամ Պահլաւունին, ճակտին վրայ մարգարտացած քրտինքով, աչքերուն մէջ անդոհանք, թէեւ յոգնած ու պարտասած, բայց վճռական արծաթահունչ պերճախօսութեամբ կը խրատէ պատանի թագաւորին՝ մերժելու յունաց կայսեր հրաւէրը, մինչ քիչ մը անդին վէստ Սարգիս, սադայէլական դիմագիծով, գաղտագողի մտիկ կ’ընէ կատարուած խօսակցութիւնը… ու սրտիս պոռթկումը մտքիս փոխադրուելով, կարծես աչքերուս առջեւ կը տողանցեն յունաց խաբեբայ Վասիլ Բ. կայսրը, ինչպէս նաեւ ծագումով հայ խղճամիտ կոստանդին կայսրը, որ մահուան իր անկողնին մէջ, անդրադառնալով ու զգալով անպատիւ ու անազնիւ գործ մը կատարուած ըլլալուն, ձեռքին Յովհաննէս Սմբատի չարաշուք կտակը, զայն կը յանձնէ Կիրակոս անուն հայ քահանային, ըսելով. «Չեմ ուզեր ուրիշին սեփականութիւնը իւրացնել… տար այս կտակը ու յանձնէ թագաւորիդ», սակայն անարժան ու հայրենադաւ քահանան, փոխանակ հայոց թագաւորին յանձնելու, զայն կը վաճառէ Կոստանդին կայսեր՝ յաջորդ յունաց կայսրին, Բագրատունեաց թագաւորութեան վերջալոյսը դարձնելով մեր դարաւոր փառապանծ պատմութեան շղթային տկար, այպանելի մէկ օղակը:

Ու այժմ, երբ գրի կ’առնեմ այս տողերը, անհունօրէն տպաւորուած Անիի աւերակներուն այցելութենէն, անհատնում խորհրդածութիւններ կը տողանցեն տակաւին մտքիս մէջ…:

Աստուածաբնակ շիրիմներ են Անիի աւերակները, որոնց առջեւ ծնկաչոք ուխտաւորներ եղանք բոլորս. այդ եկեղեցիները, պալատներն ու գեղաքանդակ շինութիւնները Տրդատներու ու Մանուէներու հանճարովը յղացուած ու հայ ուխտաւորներու ձեռքերովը կերտուած, արգասիքն են հայ տաղանդին, նշխարները մեր անցեալին ու հայ ժողովուրդի քաղաքակրթութեան վաւերական մէկ կոթողը, որ գերութեան տակ կը հիւծէ:

Այժմ չկայ նիւթեղէն Անին, ամայութեան մէջ աւերակներու կոյտ մըն է ան: սակայն իւրաքանչիւր հայու համար ան կը մնայ անքակտելի մէկ մասնիկը հոգեկան հայրենիքին, մանրանկար որբացած Հայաստանի մը, որուն երկնակամարին վրայ ու շուրջը հայութիւն թելադրող իրենց ճռուողիւններով կ’ոստոստեն անհամար ծիծառներ, իբրեւ անվիճելի իրաւատէրերը այդ հողերուն:

Ծիծեռնակ… խորհրդանիշը հայ ժողովուրդի անընկճելի շինարար ոգիին:

Բժիշկ Օհան Թապաքեան

On the sidelines of his working visit to the United States, Prime Minister Nikol Pashinyan met with former Canada Prime Minister Jean Chretien at UN headquarters in New York. Note that Mr. Chretien represents the Canadian delegation at the 74th session of the UN General Assembly.

Welcoming Nikol Pashinyan, Jean Chretien said he was happy to see the Armenian Prime Minister who has an exciting and extraordinary political career, and is now leading Armenia on its way to democracy. Jean Chretien noted that Armenia and Canada have forged effective bilateral relations, and Canada is keen to develop them ahead.

In turn, Nikol Pashinyan said he was pleased to meet with the Canadian delegation in attendance of the UN General Assembly’s 74th session and discuss issues of bilateral cooperation. The Prime Minister referred to the ongoing radical reforms in Armenia, which are aimed at strengthening democracy in our country. The support of international partners through joint programs and initiatives would be highly appreciated in this process.

The parties took the opportunity to discuss the prospects of economic cooperation in infrastructure, innovation and the pension market.

Agreement was reached at the level of Armenian and Canadian UN representatives to continue discussions on specific programs.

(Armrdio) – The air defense units of the Artsakh Defense Army downed an Azerbaijani drone carrying out an reconnaissance flight, the Defense Ministry informs.

The israeli made  ORBITER-2 unmanned aerial vehicle was hit at about 10:15 this morning.

Welcome

...