ԲԱՐԻ ԼՈՅՍ…

Ազնիւ

Ամպերը անցան հովի պէս թեթեւ
Արեւը ելաւ բիծերով ոսկի
Կապոյտին գերեց ժպիտով իր լայն…
Քեզ բարի լոյս…
* * *
Արեւածագ է…
Առաւօտս արշալոյս է լուսաբաց…
Քեզ բարի լոյս…
* * *
Անձրեւային խմբերգով
Առաւօտը արթնցաւ…
Բարի լոյս…
* * *
Հայելիս արեւի պէս կը շողայ.
Կայծեր կու տայ երազանքիս…
Քեզ բարի լոյս եւ բարի օր…
* * *
Արեւը կը ծաւալէ իր փարթամ շողերը…
Ոսկեհուր ճառագայթը ազնիւ կը փութայ
Յուշիկ մինչեւ հեռուները…
Բարի լոյս…
* * *
Կրքոտ է բնութիւնը այսօր…
Արեւը կը շտպէ տալու իր լոյսը ուշացած…
Քեզ բարի լոյս…
* * *
Թախծոտ է աշունը
Երկինքն անարեւ
Երկար է գիշերը
Անձրեւ ու անձրեւ…
Շողա՛ արեւ
Քեզ բարի լոյս իմ արեւ…
* * *
Գիշերը լոյս խոստացաւ…
Կը սպասեմ արեւածագի ոսկի շողերուն,
Որ քեզ ըսեմ. «Բարի լոյս» …
* * *
Ամպերը թող ցրուին, որ արեւը գայ…
Մեր արեւը, որ հրեղէն խաղերով կը շողայ,
Բարի լոյս…
* * *
Դուրսը ցուրտ է.
Արշալոյսը կը ճօճուի
Ամպերուն վրայ
Աշնան երգը երգելով,
Բարի լոյս…
* * *
Երկինքս մութ է ու թախծոտ…
Իմ հուր, իմ արեւ,
Խենդութիւնս տարիր քու հետ
Արե՜ւ, արե՜ւ,
Ինչպէ՞ս տամ քեզ բարեւ…
* * *
Ամենուրէք քեզ կ՚որոնեմ,
Բայց չեմ գտներ…
Թուլութիւնս տարիր քու հետ..
Յուշիկ հուրդ մօտս է դեռ
Քեզ բարի լոյս, իմ արեւ։
* * *
Անուրջներուս մէջ ցուլուած,
Շշուկովդ արթնցայ…
Հուրով քնքուշ
Ու ակնարկով մոգական,
Մօտեցուցիր շուրթերդ,
Որ համբուրեմ…
Նուրբ հովի պէս,
Եկար անցար իմ մօտէն.
Առաւօտ է. քեզ բարի լոյս։
* * *
Տենջ մը մաքուր լուսեղէն
Սրտիս ծալքերուն մէջ կ՚երկարի
Անուրջիս մէջ գիշերուայ.
Վերջին հայեացքդ դեր կը տատանի
Հոգւոյս մէջ ինկող ասուպի նման։
Շողա՛ իմ արեւ։
Քեզ բարի լոյս…
* * *
Աշնան հովերը
Աղմկահար կը փաթթուին
Մշուշներուն սպիտակ…
Ուր արեւածին շողերը
Լուռ կը յածին
Անձրեւին տակ
Զերդ պատրանք…
Քեզ բարի լոյս…
* * *
Դուրսը ցուրտ է.
Երկինքը փակեց աչքերը
Մառախուղ է միախաղաղ…
Մինակ եմ,
Անուջներուս հետ պլլուած
Թոյլ տուր բորբոքիլ
Քու արբեցութեամբ,
Մինչեւ այգաբաց…
Քեզ բարի լոյս…